*सिंधुदुर्ग विद्यानिकेतन इंग्लिश मिडीयम स्कूल मध्ये विद्यार्थी दिवस उत्साहात संपन्न*

वेंगुर्ले

सिंधुदुर्ग विद्यानिकेतन इंग्लिश मीडियम स्कूल या शाळेत ७ नोव्हेंबर रोजी महाराष्ट्र विद्यार्थी दिन मोठ्या उत्साहात आणि आदराने साजरा करण्यात आला.हा दिवस डॉ.बाबासाहेब आंबेडकर यांनी शाळेत प्रवेश केलेला पहिला दिवस आहे. शिक्षण आणि समानतेतील त्यांच्या योगदानाचा सन्मान करण्यासाठी हा दिवस संपूर्ण महाराष्ट्रात साजरा केला जातो.
या कार्यक्रमाची सुरुवात शाळेच्या मुख्याध्यापिका सौ. मनीषा लॉरेन्स डिसोजा यांच्या हस्ते दिपप्रज्वलन करून आणि डॉ. बाबासाहेब आंबेडकर यांच्या प्रतिमेला पुष्पहार अर्पण करून झाली. सर्व शिक्षकवृंद व विद्यार्थी प्रतिनिधींनीही प्रतिमेस पुष्प अर्पण करून आदरांजली वाहिली. या दिवसाचे महत्त्व आणि डॉ. बाबासाहेब आंबेडकर यांनी अनेक अडचणींवर मात करून शिक्षण घेण्यासाठी केलेल्या संघर्षावर प्रकाश टाकणारे एक छोटेसे भाषण यावेळी करण्यात आले.यावेळी नर्सरी ते इयत्ता चौथीच्या विद्यार्थ्यांसाठी एक विशेष वेशभूषा स्पर्धा देखील आयोजित करण्यात आली होती.यावेळी विद्यार्थ्यांनी प्रसिद्ध व्यक्तीमत्व,समाजसेवक आणि अशा अनेक व्यक्तींच्या वेशभूषा सादर केल्या.
सहभागी विद्यार्थ्यांचा उत्साह आणि आत्मविश्वास खरोखरच कौतुकास्पद होता जो सर्वांना आठवण करून देत होता की, शिक्षण हे प्रगती आणि समानतेची गुरुकिल्ली आहे. पिढ्यानपिढ्या प्रेरणा देणाऱ्या एका महान दूरदर्शी व्यक्तीचा प्रवास साजरा करणे हा खरोखरच सर्वांसाठी अभिमानाचा क्षण होता.