*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*

*दानपेटी*

संस्कार दानाचा

शिकवतात आपणास पालक

देण्याची कुमक

असावी….

परोपरीने दान

सगळ्यांना देता येते

जेवढे असते

जवळ…..

दानपेटी मंदिरात

होतो का विनियोग?

देवासाठी उपयोग

दानाचा…

दानपेटीतील दान

यथोचित करावा वापर

परमार्थपथ सुकर

त्यामुळे…..

अनाथ वंचित

मदत त्यांना करावी

झोळी भरावी

समाधानाने…..

जमेल तशी

आपली दानपेटी भरावी

रिक्त करावी

गरजूंसाठी…..

औषधे पुस्तकं

गणवेष असो शाळेचा

हात मदतीचा

द्यावा…..

आत्म्याच्या रुपात

ईश्वराचा सर्वत्र वास

जाणून खास

दानपेटी…..।।

~~~~~~~~~~~~~~

अरुणा दुद्दलवार@✍️