डॉ. अब्दुल कलाम जयंतीनिमित्त ओसरगांव येथे वाचनप्रेरणा दिन साजरा; ग्रंथप्रदर्शनाला उत्स्फूर्त प्रतिसाद

ओसरगांव

येथील कै. विनय आळवे वाचनालय व ग्रंथसंग्रहालयात 15 ऑक्टोबर रोजी भारताचे माजी राष्ट्रपती डॉ. ए.पी.जे. अब्दुल कलाम यांच्या जयंतीनिमित्त वाचनप्रेरणा दिन साजरा करण्यात आला. यानिमित्त ग्रंथप्रदर्शनाचे आयोजन करण्यात आले होते.

या कार्यक्रमाचे उद्घाटन ओसरगांवचे उपसरपंच मा. गुरुदास सावंत यांच्या हस्ते करण्यात आले. कार्यक्रमास कानसळी येथील पू. प्रा. शाळेचे मुख्याध्यापक श्री. गोसावी सर, शिक्षक श्री. नंदकुमार हरमलकर सर, माजी उपसरपंच श्री. बबली राणे, ग्रंथालयाचे अध्यक्ष श्री. दीपक आळवे, सेक्रेटरी श्री. किशोर सावंत, ग्रंथपाल सौ. दिपाली आळवे, वाचक श्री. संतोष गोरे तसेच शाळेचे विद्यार्थी आणि वाचनप्रेमी मोठ्या संख्येने उपस्थित होते.

कार्यक्रमात उपस्थित वाचकांनी एक तास ग्रंथालयात पुस्तकांचे वाचन केले व घरी नेण्यासाठी पुस्तके घेतली.

कार्यक्रमाचे स्वागत अध्यक्ष श्री. दीपक आळवे आणि सेक्रेटरी श्री. किशोर सावंत यांनी केले. आभार ग्रंथपाल सौ. दिपाली आळवे यांनी मानले.

या उपक्रमाने वाचन संस्कृतीला चालना मिळाली असून, डॉ. कलाम यांची विचारसंपन्न प्रेरणा नव्या पिढीपर्यंत पोहोचवण्याचा हेतू साध्य झाला.