स्थानिक उद्योजकांना प्रोत्साहन देण्यासाठी नर्मदाई महिला औद्योगिक सहकारी संस्थेचा उपक्रम; १० ते १२ ऑक्टोबरदरम्यान महालक्ष्मी हॉल येथे आयोजन

कुडाळ :

दीपावलीचे औचित्य साधून सिंधुदुर्ग जिल्ह्यातील स्वतःचा व्यवसाय करणाऱ्या आत्मनिर्भर उद्योजकांना एकत्र आणून त्यांच्या व्यवसायाला अधिक बळ देण्यासाठी ‘आम्ही आत्मनिर्भर’ महोत्सवाचे आयोजन करण्यात आले आहे. हा उपक्रम आमची नर्मदाई महिला औद्योगिक सहकारी संस्थेतर्फे राबविण्यात आला आहे.

कुडाळ येथील महालक्ष्मी हॉलमध्ये हा महोत्सव १०, ११ आणि १२ ऑक्टोबर २०२५ या कालावधीत सकाळी ११ ते रात्री ९ वाजेपर्यंत सुरु राहणार आहे. गेली ६ वर्षे सातत्याने आयोजित होत असलेला हा महोत्सव यंदाही दीपावलीपूर्वी उत्साहात पार पडणार आहे.

महोत्सवाचे उद्घाटन महाराष्ट्र शासन पुरस्कार विजेती अभिनेत्री श्रद्धा प्रसाद खानोलकर यांच्या हस्ते शनिवार, दि. ११ ऑक्टोबर रोजी सकाळी ११ वाजता होणार आहे.

तीन दिवस चालणाऱ्या या महोत्सवाला अधिकाधिक नागरिकांनी भेट देऊन स्थानिक उद्योजकांना प्रोत्साहन द्यावे, असे आवाहन नर्मदाई महिला औद्योगिक सहकारी संस्थेच्या अध्यक्षा संध्या प्रसाद तेरसे यांनी केले आहे.