*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*नसून हातात कुठला बावटा*

त्यांना सुध्दा हवय *आरक्षण*

म्हणून काढला *मोर्चा मोठा*

एका सुरात एका “आवाजात”

नसून हातात कुठला *बावटा*

//1//

शिस्तही होती *त्यांच्यामध्ये*

आवाज त्यांचा होता मर्यादित

नव्हती घोषणा अर्वाच्य शब्दात

अब्दुल्ला नव्हता नाचाला शादीत

//2//

नाही ऐकली शिवराळ भाषा

तमाशा नव्हता कुठेही चौकात

आदर्श घ्यावा *बदकांपासून*

राजकीय मोर्चे जातात डोक्यात

//3//

आरक्षणाची खाण्या खिरापत

*नव्हती निघत “उणी दुणी”*

पांढरी काळी आणि राखाडी

मांडत होती आपली गाऱ्हाणी

//4//

नेते होते *शिकले सवरलेले*

नव्हता दिसत वागण्यात माज

गिनीज बुकात झाली नोंदणी

आदर्श जगातील *पक्षी राज*

//5//

तीर्थ घ्यावे बदकांचे सर्वांनी

*अक्कल वाढेल बक्कळ*

नाहीत धमक्या नाही मुजोरी

घोषणाही ऐकायला निर्मळ

//6//

आदर्श गिरवावा शहाण्यांनी

ठेवून आपला मान सन्मान

नव्हती गेली बदके शाळेत

तरीही मिळाला त्यांना मान

//7//

नाही माजोरडा डिजे आवाज

बॅक बॅक आवाजाचा साधा बॅन्ड

नाही प्रदर्शन *बीभत्सगिरीचे*

फाट्यावर मारले सारे *ब्रॅन्ड*

//8//

विनायक जोशी🖋️ ठाणे

मीलनध्वनी/9324324157