बॅडमिंटन सांघिक प्रकारात मदर क्वीन्स इंग्लिश स्कूलची विभाग स्तरावर झेप

सावंतवाडी

जिल्हा क्रीडा अधिकारी कार्यालय सिंधुदुर्ग तर्फे आयोजित केलेल्या जिल्हास्तरीय बॅडमिंटन स्पर्धेत सिंधुदुर्ग जिल्हा शिक्षण प्रसारक मंडळ संचलित मदर क्वीन्स इंग्लिश स्कूल सावंतवाडीच्या 14 वर्षे वयोगटाखालील मुलींच्या सांघिक प्रकारात प्रशालेच्या संघाने द्वितीय क्रमांक पटकावला.
या संघामध्ये कु.सौम्या हरमलकर, कु.महिमा गवंडर ,कु.अवनी धोंड, कु.लावण्या केसरकर व कु.सई सावंत यांचा समावेश होता.तसेच 17 वर्षे खालील वयोगट मुली या बॅडमिंटन सांघिक प्रकारात प्रशालेच्या संघाने प्रथम क्रमांक पटकावला.या संघामध्ये कु.राधिका सोनाळकर , कु.कृत्तिका पालव, कु श्रेया मोर्ये व कु आहिशा कांडरकर यांचा समावेश असून संघाची विभागीय स्पर्धेसाठी निवड झाली आहे.
या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष श्रीमंत राजेसाहेब खेमसावंत भोंसले ,चेअरमन श्रीमंत राणीसाहेब शुभदादेवी खेमसावंत भोंसले,कार्यकारी विश्वस्त श्रीमंत लखमराजे भोंसले , विश्वस्त युवराज्ञी श्रद्धाराजे भोंसले व मंडळाचे संचालक श्री दिलीप देसाई , मंडळाचे सहाय्यक संचालक ॲड. शामराव सावंत, मंडळाचे सदस्य श्री जयप्रकाश सावंत ,डॉ.सतीश सावंत ,मुख्याध्यापिका श्रीमती अनुजा साळगावकर , क्रीडा शिक्षक श्री.भूषण परब तसेच प्रशालेचे शिक्षक, शिक्षकेतर कर्मचारी ,पालक शिक्षक संघ कार्यकारी समितीचे सदस्य यांनी अभिनंदन केले व पुढील वाटचालीस शुभेच्छा दिल्या.