तालुकास्तरीय मैदानी स्पर्धेत सिंधुदुर्ग विद्यानिकेतन इंग्लिश मीडियम स्कूलचे सुयश

वेंगुर्ले

क्रीडा व युवक सेवा संचालनालय जिल्हा क्रीडा कार्यालय सिंधुदुर्ग यांच्यावतीने आयोजित करण्यात आलेल्या तालुकास्तरीय मैदानी स्पर्धा वेंगुर्ले नगर परिषदेच्या क्रीडांगणावर पार पडल्या.यामध्ये 100 मी.धावणे या क्रीडा प्रकारात 14 वर्षाखालील मुले या गटातून सिंधुदुर्ग विद्या निकेतन इंग्लिश मीडियम स्कूल, वेंगुर्ला या शाळेचा विद्यार्थी कु.सोहम संतोष सावंत याने प्रथम क्रमांक तर कु.आयुष शैलेश नार्वेकर याने तृतीय क्रमांक पटकावला.तसेच 200 मी. धावणे या क्रीडा प्रकारात 17 वर्षाखालील मुले या गटातून कु. मिहिर राजेश राऊळ याने तृतीय क्रमांक मिळविला.यामधील कु. सोहम संतोष सावंत या विद्यार्थ्याची जिल्हास्तरीय स्पर्धेसाठी निवड झाली आहे.
विद्यार्थांनी मिळविलेल्या या यशाबद्दल संस्थेचे उपाध्यक्ष श्री. इर्शाद शेख ,संचालक श्री. प्रशांत नेरुरकर,सचिव श्री दत्तात्रय परुळेकर ,शाळेच्या मुख्याध्यापिका सौ. मनीषा डिसोजा तसेच शिक्षक व शिक्षकेतर कर्मचारी यांनी अभिनंदन केले आहे. आणि पुढील स्पर्धेसाठी शुभेच्छा दिल्या आहेत.