*दिव्यांग बांधवांचा विभागवार मेळावा संपन्न*

सिंधुदुर्ग

सिंधुदुर्ग साईकृपा अपंगशक्ती बहुउद्देशिय शिक्षण संस्था कसाल सिंधुदुर्ग व जिल्हा दिव्यांग पुनर्वसन केंद्र सिंधुदुर्ग यांच्या संयुक्त विद्यमाने शुक्रवार दिनांक २६/०९/२०२५ रोजी जानवली पंचक्रोशीतील सर्व दिव्यांग बांधवांचा विभागीय मेळावा सकाळी १०.०० वाजता संपन्न झाला. या मेळाव्यामध्ये जानवली गावचे सरपंच अजित पवार सर, ग्रामपंचायत अधिकारी अर्चना लाड मॅडम, सदस्य नितीन राणे सर, दिशा राणे मॅडम, व दामोदर सावंत सर, जि.प. माजी उपाध्यक्ष रंजन राणे सर, माजी उपसरपंच स्वाती राणे मॅडम, तसेच संस्था अध्यक्ष अनिल शिंगाडे सर, संस्था कर्मचारी विशाखा कासले, दळवी मॅडम, सिद्धेश माळकर, हर्षद खरात आदी मान्यवर उपस्थित होते. सर्वप्रथम मान्यवरांच्या वतीने हेलन किलर यांच्या प्रतिमेला पुष्पहार अर्पण करून व स्वागत समारंभ करून कार्यक्रमाची सुरुवात करण्यात आली.संस्था अध्यक्ष अनिल शिंगाडे सरांनी दिव्यांग बांधवांना मार्गदर्शन केले. संस्था कर्मचारी दळवी मॅडम यांनी संस्थेचे अहवाल वाचन केले.तसेच जानवली गावचे सरपंच पवार सर यांनी दिव्यांग बांधवांना अमूल्य असे मार्गदर्शन केले. व काहीही गरज लागली तरी आम्ही तुमच्या पाठीशी सदैव आहोत असे ते म्हणाले. या मेळाव्यामध्ये दिव्याग बांधवांचे ऑनलाईन दिव्यांग प्रमाणपत्रासाठी कागदपत्रे घेतली. काही दिव्यांग बांधवांचे रेल्वेपास करण्यासाठी कागदपत्रे घेतली. एका दिव्यांग बांधवांला काठी देण्यात आली.या मेळाव्याला ५० हून जास्त दीव्यांग उपस्थित होते. जानवली ग्रामपंचायतीच्या वतीने दिव्यांगासाठी उपहाराची व्यवस्था केली. या कार्यक्रमाचे सूत्रसंचालन अर्चना लाड मॅडम यांनी केले.संस्था कर्मचारी विशाखा मॅडम यांनी उपस्थितांचे आभार मानून कार्यक्रम संपन्न झाला असे जाहीर केले.