*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी संजय धनगव्हाळ लिखित अप्रतिम काव्यरचना*

*हळवं मन*

************

*मनात खूप काही असतं पण*

*मनातलं सांगता येत नाही*

*मन अस्वस्थ झालं की*

*मन कुठेच लागत नाही*

*साठवून तरी किती ठेवायचं मनात*

*मन मोकळे कुठे करावं प्रश्न पडतो*

*नकळत वेदना मिळाल्या की*

*मनातल्या मनात गुंता वाढतो*

*मनाची घालमेल झाली की*

*मन उदास होत असते*

*गहिवरून आलेलं मन*

*कुणाला कळत नसते*

*मन खूपच हळवं असतं*

*वेदना सहन होत नाही*

*सहानुभूती असली तरी*

*ओरखडा बरा होत नाही*

*स्वत:चीच समजूत काढताना*

*स्वत:चं सांत्वन करून घ्यायचं*

*अश्रुंना आवर घालताना*

*एकांतात जाऊन बसायचं*

*मन शांत झालं की*

*पुन्हा नव्याने जगायचं*

*मनाचे मनाशी जुळवून घेताना*

*स्वतःला मात्र हसत ठेवायचं*

*खरंतर या हळव्या मनावर*

*कसलीच जखम नसावी*

*असली तरी आपणचं आपली*

*हळुवार फुंकर घालावी*

*संजय धनगव्हाळ*

*(अर्थात कुसुमाई)*

९४२२८९२६१८

९५७९११३५४७