*जीएसटी २.० ने अर्थव्यवस्थेला मिळालाय नवा वेग: मुख्यमंत्री सावंत*

*पणजी,

जीएसटी २.० सुधारणांवर आज पणजीत झालेल्या कार्यक्रमात मुख्यमंत्री डॉ. प्रमोद सावंत यांनी भाष्य केले. त्यांनी सांगितले की या सुधारणा देशाच्या अर्थव्यवस्थेला नवा वेग देणार असून नागरिक आणि व्यवसाय दोघांनाही त्याचा फायदा होणार आहे.

*कर रचना सोपी, प्रक्रिया जलद*
मुख्यमंत्री म्हणाले की जीएसटी लागू करणे हे पंतप्रधान नरेंद्र मोदी यांचे ऐतिहासिक पाऊल होते. पूर्वी नोंदणीसाठी होणारा विलंब आता संपुष्टात आला असून प्रक्रिया जलद आणि सोपी झाली आहे.

*आरोग्यसेवा क्षेत्रातील दिलासा*
आरोग्यसेवा, विमा आणि जीवनरक्षक औषधांवरील जीएसटी हटवल्याने कुटुंबांना मोठा दिलासा मिळाला आहे, असे ते म्हणाले.

*पर्यटन व निर्यात क्षेत्राला फायदा*
गोव्याच्या पर्यटन उद्योगाला आणि निर्यातदारांना जीएसटी २.० मुळे लक्षणीय लाभ होईल, असा विश्वासही मुख्यमंत्र्यांनी व्यक्त केला.

*स्वावलंबी भारताकडे वाटचाल*
“जीएसटी २.० ही केवळ कर सुधारणा नाही, तर स्वदेशी आणि व्होकल फॉर लोकलला प्रोत्साहन देणारे पाऊल आहे. हे दूरदर्शी पाऊल प्रत्येक नागरिकाच्या कल्याणासाठी महत्त्वाचे ठरेल,” असे मुख्यमंत्र्यांनी स्पष्ट केले.

*मान्यवरांची उपस्थिती*
या कार्यक्रमाला एसजीएसटी आयुक्त सरप्रीत सिंग गिल, चार्टर्ड अकाउंटंट प्रतिमा धोंड यांच्यासह अनेक मान्यवर उपस्थित होते.