*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*ते तीन दिवस*

नको बावरू *सखे अशी*

गौरी आल्या परवा दिवशी

ओवाळून मी स्थापना केली

फराळानी गेली भरून कळशी

//1//

हंडा होता जरा चिमुकला

भरून ठेवला तो करंज्यांनी

पोटे भरली छोट्या लोटयांची

गेल्या सा-या खुश होऊनी

//2//

केले सारे कपाट *मोकळे*

काढल्या साड्या जरीच्या दोन

लाल जेष्ठेला हिरवी कनिष्ठेला

नाही दुखवली त्यांची *मन*

//3//

रांधून स्वयंपाक उठून लवकर

पुजल्या गौरी *सालंकृत*

नाही ठेवली कसर कुठली

जेऊन झाल्या त्या *तृप्त*

//4//

विसर्जन झाले आज सुरळीत

देव्हारा वाटतोय *सुना सुना*

आनंद सरला कसे न कळले

घरी परतल्या *लेकी सुना*

//5//

आठवण येते त्या तीन दिवसांची

असतो आनंद ओसंडून वहात

उभ्या दारात नव्या को-या कार्स

झडतात पंक्ती मिष्टान्नांच्या घरात

//6//

विनायक जोशी 🖋️ठाणे

मीलनध्वनी/9324324157