कुडाळ :
कुडाळ शहरातील एसटी बस स्थानक येथे आम. निलेश राणे यांच्या संकल्पनेतून प्रवाशांसाठी मोबाईल चार्जिंग पॉईंटची सुविधा उपलब्ध करून देण्यात आली आहे. या उपक्रमाचे लोकार्पण आज मंगळवारी आमदार निलेश राणे यांच्या उपस्थितीत पार पडले.
बस प्रवाशांना अनेकदा मोबाईल चार्जिंगची अडचण भासत असल्याचे लक्षात घेऊन हा उपक्रम राबविण्यात आला. आमदार निलेश राणे यांच्या संकल्पनेनुसार नगरसेवक अभिषेक गावडे व विलास कुडाळकर यांच्या माध्यमातून एसटी बस स्थानकात ही सेवा सुरू करण्यात आली.
मोबाईल चार्जिंग पॉईंटचा लोकार्पण सोहळा माजी जिल्हा परिषद अध्यक्ष संजय पडते यांच्या हस्ते श्रीफळ वाढवून सुविधेचा शुभारंभ झाला.
या प्रसंगी तालुकाप्रमुख विनायक राणे, उपजिल्हाप्रमुख अरविंद करलकर, तालुका सरचिटणीस राकेश कांदे, नगराध्यक्षा प्राजक्ता बांदेकर, शहरप्रमुख अभी गावडे, गटनेता विलास कुडाळकर, नगरसेवक राजीव कुडाळकर, नगरसेविका नयना मांजरेकर, चांदणी कांबळी, महिला शहर प्रमुख श्रुती वर्दम, चेतन पडते, चंदन कांबळी, प्रथमेश कांबळी तसेच युवा सेनेचे वालावलकर आदी उपस्थित होते.
या उपक्रमामुळे बसस्थानकात येणाऱ्या प्रवाशांना मोबाईल चार्जिंगसाठी सुविधा उपलब्ध होणार असून प्रवाशांचे समाधान होणार आहे.
