*जागतिक साहित्य कला व्यक्तित्व विकास मंच तथा काव्य निनाद साहित्य मंचच्या सन्मा. सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*
*आयुष्याच्या मैफलीत*
गीत गाते जीवनाचे
मैफिलीत आयुष्याच्या
किती रहस्ये दडली
कोपऱ्यात ह्या मनाच्या- – १
प्रत्येकाच्या संसारात
अनुभव कडू गोड
साक्षी ठेवावे देवाला
नको बोल सडेतोड – – २
सूर जुने गीत नवे
गावे नित्य आनंदात
मोठेपण दडलेले
आपल्याच संघर्षात — ३
खंत नसावी मनात
नको संतापाची कळ
घ्यावे आम्ही जुळवून
मिळे सौहार्दाचे बळ —-४
आयुष्याच्या मैफिलीत
आज गाणार भैरवी
विश्वासाचा हातभार
मला हिम्मत पुरवी
प्रतिभा पिटके
अमरावती
