*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री उज्ज्वला सहस्रबुद्धे लिखित अप्रतिम काव्यरचना*
*स्वागत गणराया..*
मंद गंध श्रावणाचा,
मोहून जात असता !
येईल पुढे गंधांची,
बरसात नित्य आता!
प्राजक्त अंगणी डोले,
ऋतूगंध फुललेला!
का क्षणिक म्हणावे त्या
नाजूक जरी स्पर्शाला!
चाहूल लागता मना,
पाहुण्या गणरायाची!
अंथरल्या पायघड्या ,
अलगद् भूमी वरती !
विहरत जणू आला,
स्वर्ग तो धरणीवर!
सेतू बंधन बांधले ,
देव अन् पृथ्वीवर!
पाहुणा म्हणून येई,
गणराज हा घरात!
स्वागतास सज्ज झाली,
आतुर मने अंतरात!
उज्वला सहस्रबुद्धे,पुणे
