*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री सुशीला पिंपरीकर लिखित अप्रतिम काव्यरचना*

*आयुष्य हे सुंदर*

हा जन्म मिळे का आपुल्या मर्जीवर

को-या पाटीवर नशिबाचे अक्षर ||धृ||

आई जन्मदात्री क्षणोक्षणी हृदयात

बाप पहाड ठायी ठायी आधारात

रूप तयांचे झळके, तेजस्वी ईश्वर

को-या पाटीवर….|१|

लाभते आम्हा का इथे चारतारुण्य

वाटते आम्हास शक्तीमान ना अन्य

शरीर ना शाश्वत, आठव ते नश्वर

को-या पाटीवर….|२|

काम क्रोध मोह लोभ, चिकटतात

संस्कार कुटुंबातले, उमटतात

जन्मास या प्रकाशाचे, द्यावे अत्तर

को-या पाटीवर….|३|

ओवी अभंग अभ्यास, मायबोलीचा

संत महात्मे अभिमान, या भूमीचा

गीत ऐक्याचे गाऊ चला निरंतर

को-या पाटीवर….|४|

वीरमाता पाठीशी, सैनिक पुत्राच्या

धडाडती तोफा, सीमेवर शत्रूच्या

झेलतो गोळ्या, वेळोवेळी छातीवर

को-या पाटीवर….|५|

तीच झाडे ती नदी ,पक्षी गाती गान

प्रभात नभीची, सुवर्ण नक्षी छान

माणूस माणसात ,बघ किती सुंदर

को-या पाटीवर नशिबाचे अक्षर ||६||

सुशीला हेमचंद्र पिंपरीकर, नाशिक