सावंतवाडी :
कोकण रेल्वे प्रवासी संघटनेचे सचिव आणि युवा सामाजिक कार्यकर्ते मिहिर मठकर यांना त्यांच्या उल्लेखनीय सामाजिक कार्याबद्दल ‘राज्यस्तरीय सर्वोत्तम समाजरत्न पुरस्कार २०२५’ जाहीर झाला आहे. हा पुरस्कार १६ ऑगस्ट रोजी जनजागृती सेवा संस्थेच्यावतीने कणकवली येथे प्रदान करण्यात येणार आहे.
जनजागृती सेवा संस्था (रजि.) यांनी जाहीर केलेल्या निवडपत्रानुसार, सामाजिक क्षेत्रातील मठकर यांच्या योगदानाची दखल घेऊन त्यांची निवड करण्यात आली. संस्थेने त्यांच्या कार्याची प्रशंसा करत त्यांना समाजसेवेचे भूषण म्हटले आहे. पुरस्कार वितरण सोहळा शनिवारी, १६ ऑगस्ट रोजी सकाळी ११ वाजता कणकवली भवानी सभागृहात होणार असून जिल्ह्यात मान उंचावणारा हा सन्मान आहे. संस्थेचे अध्यक्ष गुरुनाथ म. तिरपणकर आणि सचिव संचिता भंडारी यांनी मठकर यांचे अभिनंदन केले आहे.
