*ज्येष्ठ लेखिका कवयित्री चित्रकारा शिक्षिका स्वप्नगंधा सतीश आंबेतकर लिखित अप्रतिम काव्यरचना*

🌹शब्द माझे सोबती🌹

मी कशी शब्दात सांगू

वेदना माझ्या जगाला

अंतरीचे दुःख असते

प्रत्येकाच्या वाट्याला

नित्य नवे असते हवे

जुने कां म्हणती सोने

मला मात्र दोन्ही हवे

हे असती सांधणारे दुवे

क्षिती न, कुणी हसो वा रुसो

सदैव शब्द माझे सखेसोबती,

घेऊन त्यांना सवे नित्यचालतो

तेच माझे असती सखे संगती.

दोष कुणाला कां द्यावा

जे असते लिहिले नशीबी,

उपभोग, भोग सारे ज्याचे

त्याला, श्रीमंती वा गरीबी.

शब्द असती शस्रास्त्र माझे

उगाच कां करावी मनी खंत,

माझ्याच साठी मी लिहितो

कुणी होई कशानेही श्रीमंत.

कुणा का करावी कीव माझी

हेव्यातही मी मानतो आनंद,

मीच असे माझ्याशब्दात दंग

त्यातच मानतो मी मुक्तानंद.

स्वप्नगंधा सतीश आंबेतकर