*जागतिक साकव्य विकास मंचचे सन्मा सदस्य तथा लालित्य नक्षत्रवेल समूह प्रशासक, अध्यक्ष कोमसाप सावंतवाडी लेखक कवी दीपक पटेकर (दीपी) लिखित अप्रतिम गुरुवंदना*
*गुरुवर माझे*
(अनलज्वाला वृत्त)
अपार ज्यांनी कष्ट वेचले जगा कारणी
कृतज्ञतेने नतमस्तक मी त्यांच्या चरणी ||धृ||
जिने शिकवले बोल बोबडे त्या मातेचे
अन् राहू द्या डोईवरती ऋण बापाचे
जाहले जरी नाराज कधी कर मनधरणी
कृतज्ञतेने नतमस्तक मी त्यांच्या चरणी ||१||
कितिक सुशिक्षित सुसंस्कृतांचे गुरुजन झाले
शिक्षक बनुनी यशकीर्तीचे मार्ग दावले
अआइईचे वर्ण गिरवले बोट धरूनी
कृतज्ञतेने नतमस्तक मी त्यांच्या चरणी ||२||
शाळा शिकलो धन कमावले नि नाव झाले
पण वागावे कसे जगावे..? हे ज्ञान दिले
श्री काडसिद्ध गुरुवर माझे अगाध ज्ञानी
कृतज्ञतेने नतमस्तक मी त्यांच्या चरणी ||३||
🖋️दीपक पटेकर (दीपी)
सावंतवाडी
८४४६७४३१९६
