*जागतिक साहित्य कला व्यक्तित्व विकास मंचचे सन्मा सदस्य कवी विनायक जोशी लिखित अप्रतिम काव्यरचना*

*चोचले पुरवू आता जिभेचे*

पडतात बाहेर पाऊस धारा

वातावरण आहे उबदार छान

चोचले पुरवू *आता जिभेचे*

पावसाला मिळालय वरदान

//1//

पोरही येतील आता शाळेतून

गारठून जातील गरीब बिचारी

मारून ताव खेकडा भज्यांवर

केळी भज्यांच्या देतील ऑर्डरी

//2//

असला जरी वार *सोमवार*

भगवान शंकर करतील क्षमा

घालू नमस्कार साष्टांग त्याना

करणार नाहीत आज *हंगामा*

//3//

बटाट्या बरोबर चालेल मायाळू

होतील भजी जरा *कुरकुरीत*

चटणी लसणाची असूदे सोबत

नकोत वांग्याची *मिळमिळीत*

//4//

खाऊन टेस्टी पकडून एसटी

जाऊया नंतर *माळशेजला*

धबधबे पाण्याचे अखंड वहाती

नसतो फुर्सत क्षण विश्रांतिला

//5//

धावून अव्याहत फेस तोंडी

येतो मुखी प्रत्येक सरीतेला

*आरोप* होतो त्यांचे वरती

आजकाल हा आशिष ठरला

//6//

घेऊन वरती चहा आल्याचा

समजू तीर्थ प्रसादा सोबतचे

करून टाकू समाप्ती आज

ठरवून टाकू कधी जमायचे

//7//

विनायक जोशी 🖋️ठाणे

मीलनध्वनी/9324324157