*ज्येष्ठ साहित्यिका उपक्रमशील आदर्श शिक्षिका सामाजिक कार्यकर्ती अनुपमा जाधव लिखित अप्रतिम काव्यरचना*

*माझी शाळा* 

समुद्राच्या किनाऱ्यावर

माझी शाळा आहे.

गार गार वारा सतत

तिच्या वरुन वाहे

शाळेपाशी खूप खूप

हिरवी हिरवी झाडे

झाडांखाली पडलेले

फुलांचे सडे

मी जेव्हा मुलांना

शिकवत असते धडा

समुद्र ही ऐकण्यासाठी

होतो जणू वेडा

शाळेचे संचालक

गुरुजनही थोर

कुणालाही कशाचाही

नाही इथे घोर

शिकायला शिकवायला

वातावरण छान

म्हणून इथली मुले

झालीत महान

अनुपमा जाधव, डहाणू