*जागतिक साहित्य कला व्यक्तित्व विकास मंचचे सन्मा सदस्य लेखक कवी विलास कुलकर्णी लिखित अप्रतिम काव्यरचना*
*वट पौर्णिमा*
अखंड सौभाग्य लाभू दे ग मला
मनोभावे पूजिते आज मी वडाला l
धनी माझा आहे मनाने ग निर्मळ
स्वभावाने गोडगोड अतिशय प्रेमळ
माझेही आयुष्य लाभू दे ग त्याला
मनोभावे पूजिते आज मी वडाला l
वट पौर्णिमेला करीते ग उपवास
सत्यवान सावित्रीला आठवून खास
सुती धागा गुंडाळते बाई त्याला
मनोभावे पूजिते आज मी वडाला l
सात फेरे भोवती स्त्रीत्वाचे प्रतिक
व्रत हे शुभंकर स्त्रियांसाठी एक
वाण वाटते मी सौभाग्य रक्षणाला
मनोभावे पूजिते आज मी वडाला l
विलास कुलकर्णी
मीरा रोड
7506848664
