विनायक अण्णा राऊळ महाराज पुण्यतिथी सोहळा उद्यापासून.
कुडाळ
पिंगुळी येथील प.पू. विनायक (अण्णा) राऊळ महाराज यांचा चौथा पुण्यतिथी सोहळा १५ व १६ मे रोजी साजरा करण्यात येणार आहे. यानिमित्त धार्मिक, सामाजिक, सांस्कृतिक व आरोग्यविषयक कार्यक्रमांचे आयोजन करण्यात आले आहे. १५ रोजी पहाटे ५.३० वाजता काकड आरती, समाधी पूजन, अभिषेक, दुपारी महाआरती, दुपारी १ ते ३ पर्यंत महाप्रसाद, सायंकाळी ४ वाजता भजन, गायन कार्यक्रम, सायंकाळी सांजआरती, रात्री ८ ते ९ पर्यंत महाप्रसाद, कीर्तन १६ रोजी पहाटे ५.३० वाजता काकड आरती, समाधी पूजन, अभिषेक, प.पू. विनायक (अण्णा) राऊळ महाराज समाधी स्थानी नामस्मरण, पूजन, दुपारी १२ वाजता कर्णबधीरांना विनामुल्य कर्णयंत्राचे वितरण, अपंगांना कृत्रिम जयपूर फूटचे वितरण, कर्करोगग्रस्त १५० रुग्णांना जीवनावश्यक साहित्याचे वितरण, दुपारी १ वाजता महाप्रसाद, गायन, भजन, दिंडीचे आगमन, शास्त्रीय गायन, सांजआरती, भजन, रात्री ९ वाजता राधानृत्य या कार्यक्रमाचे थेट प्रक्षेपण ‘सोनाली केबल व्हिजन’, या यु ट्यूब चॅनेलवरून होणार आहे. उपस्थित राहण्याचे आवाहन श्री. प.पू. विनायक (अण्णा) राऊळ महाराज चॅरिटेबल ट्रस्टच्या अध्यक्षा प.पू. संगिता (बाईमा) विनायक (अण्णा) राऊळ आणि सद्गुरु राऊळ महाराज संस्थान, श्री क्षेत्र पिंगुळी आणि विश्वस्त मंडळ यांनी केले आहे.
