वेंगुर्ला

नेहरू युवा केंद्र सिंधुदुर्ग आणि वेताळ प्रतिष्ठान, तुळस सिंधुदुर्ग यांच्या संयुक्त विद्यमाने ३१ जानेवारी रोजी वेंगुर्ला येथे सकाळी ९.३० वा. जिल्हास्तरीय पोस्टर स्पर्धेचे आयोजन करण्यात आलेले आहे. स्वच्छता व श्रमदान कार्यक्रम अंतर्गत स्वच्छता विषयक जागृतीसाठी सदर स्पर्धा आयोजित करण्यात आली आहे.

स्पर्धेतील सहभागी स्पर्धकांनी १६ x १२ इंच आकाराच्या कागदावर पोस्टर बनवायचे असून जलरंगांचा वापर करणे आवश्यक आहे.

सदर पोस्टर स्वच्छता जनजागृतीपर चित्र व स्वच्छता विषयक स्लोगनचा समावेश असावा. पोस्टर स्पर्धा विषयाला अनुसरून रफ स्केचचा वापर करण्यास हरकत नाही. स्पर्धेसाठी कागद पुरविण्यात येणार असून स्पर्धेतील विजेत्या प्रथम तीन क्रमांकांना अनुक्रमे रोख सातशे, पाचशे व तीनशे रुपये, तसेच प्रत्येकी मेडल आणि उत्तेजनार्थ प्रथम व द्वितीय क्रमांकसाठी मेडल व प्रमाणपत्र आणि सर्व स्पर्धकांना सहभाग प्रमाणपत्र देऊन गौरविण्यात येणार आहे.
अधिक माहितीसाठी प्रा. सचिन परुळकर ९४२१२३८०८३ यांच्याशी संपर्क साधावा, असे आवाहन प्रतिष्ठानच्या वतीने उपाध्यक्ष विवेक तिरोडकर यांनी केलेले आहे.