*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री सौ स्मिता श्रीकांत रेखडे लिखित अप्रतिम काव्यरचना*

*सीताहरण….आतुरता मिलनाची*

वनवासाची चौदा वर्षे चित्रकूट,पंचवटीत

कंदमुळे,फलाहार कुटीत कठिण काळ

अभिलाषा धरता झाली विद्रूप शुर्पणखा

अपहरण होण्या सीतेचे आली दुष्ट वेळ ||१||

सीता अती सुंदर करी स्वीकार वदे बंधुस

क्रोधीत रावण करी निश्चय सीता हरणाचा

मोहित जानकी देखता रूप काचंन मृगाचे

राम देई हाक, जीव कासावीस लक्ष्मणाचा ||२||

यतीच्या रुपाने रावण मागी भिक्षा सीतेला

ओलांडिता लक्ष्मण रेखा हरण सीतेचे करी

मार्गात विरोध करिता कापले पंख जटायुचे

विलाप करुनी सीतेने टाकले दागिने वाटेवरी ||३||

लंकापुरी अशोकवनी विलाप करी सीतामाई

शोध लागता सीतेचा हनुमंत करी लंकादहन

गर्व हरण करण्या रामासह निघाली वानरसेना

स्वीकार करण्या विनवी सती मैथीलीस दशानन ||४||

अपराध न करावा विनवी मंदोदरी रावणास

सीता सांगे त्रिजटेस प्राण त्यागते अशोकवनी

दास देई मुद्रिका,दावी अंतःकरणातील रामराया

आगमनाची वार्ता ऐकुनी हर्षित होई शकुनानी ||५||

ककुत्स्थ कुळातील राघव आले लंकापुरी

पार केला सेनेसह सेतू आतुरता मिलनाची

युद्ध जिंकता राज्य दिले बंधु बिभिषणाला

पुष्पक विमान मार्गस्थ वैदेही सह अयोध्यला ||६||

सौ. स्मिता श्रीकांत रेखडे.नागपूर