कणकवली :
सिंधुदुर्ग पत्तन विभागाच्या कार्यकारी अभियंता विणा मारुतीराव पुजारी यांच्याकडे सार्वजनिक बांधकाम विभाग कणकवली कार्यकारी अभियंता पदाचा अतिरिक्त कार्यभार १ एप्रिल पासून सोपविण्यात आला आहे. १ एप्रिल पासून त्यांनी कार्यभार स्वीकारला आहे.
कणकवली सार्वजनिक बांधकाम विभागाचे कार्यकारी अभियंता अजयकुमार सर्वगोड हे ३१ मार्च रोजी नियत वयोमानानुसार सेवानिवृत्त झाल्यानंतर पीडब्ल्यूडी चे कार्यकारी अभियंता पद रिक्त होते. या रिक्त असलेल्या कार्यकारी अभियंता पदाचा अतिरिक्त कार्यभार विणा पुजारी यांच्याकडे सोपविण्यात आला आहे. विणा पुजारी या १ एप्रिल २००२ साली म्हणजेच २३ वर्षांपूर्वी सार्वजनिक बांधकाम विभागात थेट सहाय्यक अभियंता श्रेणी १ म्हणून शासकीय सेवेत रुजू झाल्या. मागील २३ वर्षाच्या आपल्या शासकीय सेवेत श्रीमती पुजारी यांची रत्नागिरी जिल्हा परिषद राष्ट्रीय महामार्ग आणि उत्तर बांधकाम विभागात उप अभियंता पदी यशस्वी कारकीर्द झाली आहे.
डिसेंबर २०२३ मध्ये विणा पुजारी यांची कार्यकारी अभियंता पदी बढती होऊन सिंधुदुर्ग पतन विभाग येथे बदली झाली. मागील दीड वर्ष त्या सिंधुदुर्ग पत्ता विभाग कार्यकारी अभियंता पदी कार्यरत आहेत.
