अंगणवाडी स्तरावरील उत्कृष्ट पुरस्कार जाहिर

सिंधुदुर्गनगरी 

जिल्हा परिषदेच्या महिला व बाल विकास विभागाअंतर्ग कार्यरत असलेल्या अंगणवाडी पर्यवेक्षिका, अंगणवाडी सेविका, मीनी  अंगणवाडी सेविका व अंगणवाडी मदतनिस यांनी अंगणवाडीस्तरावर उत्कृष्ठ काम केल्याबद्दल त्यांना सन 2024-25 चा जिल्हा परिषदेचा आदर्श पर्यवेक्षिका, आदर्श अंगणवाडी सेविका, आदर्श अंगणवाडी मीनी सेविका व आदर्श अंगणवाडी मदतनिस पुरस्काराची घोषणा प्रशाक तथा मुख्या कार्यकारी अधिकारी रविंद्र खेबुडकर यांनी केली आहे.

जिल्हा परिषदेच्या महिला व बाल विकास विभागाअंतर्गत 8 प्रकल्प कार्यरत असून याप्रकल्पात कार्यरत असलेल्या पर्यवेक्षिका,अंगणवाडी सेविका,मीनी अंगणवाडी सेविका व अंगणवाडी मदतनिस यांना प्रती वर्षी अंगणवाडी स्तरावर केलेल्या उत्कृष्ट कामासाठी पुरस्कार व सन्मानचिन्ह देऊन सन्मानित करण्यात येते. यामध्ये जिल्ह्यामधून 2 पर्यवेक्षिका व प्रत्येक प्रकल्पातून एक अंगणवाडी सेविका 1 मीनी सेविका व 1 मदतनिस मिळून एकूण 26 कर्मचारी यांची जिल्हास्तरीय आदर्श पुरस्कारासाठी निवड करण्यात येते. यासाठी प्रकल्पस्तरावर गुणांकनाव्दारे आदर्श कर्मचारी यांची निवड केली जाते. सन 2024-25 या वित्तिय वर्षामध्ये प्रकल्प स्तरावर 1 मिळून एकूण 8 अंगणवाडी सेविका 8 अंगणवाडी मिनी सेविका  8 अंगणवाडी मदतनिस व जिल्हयातून 2 पर्यवेक्षिका मिळून एकूण 26 कर्मचाऱ्यांची निवड करण्यात आली असून निवड करतांना सन 2023-24 या वित्तिय वर्षात केलेल्या कामाचे मुल्यमापन करण्यात आलेले आहे.

आदर्श अंगणवाडी कर्मचारी म्हणून अंगणवाडी सेविका-8 मीनी सेविका-8 अंगणवाडी मदतनिस-8  व पर्यवेक्षिका-2 यांच्या नावांची घोषणा मुख्य कार्यकारी अधिकारी रविंद्र खेबुडकर यांनी केली आहे.

त्यावेळी उप मुख्य कार्यकारी अधिकारी (बा.क.), जिल्हा कार्यक्रम अधिकारी (मबावि) सोमनाथ रसाळ उपस्थित होते.