इचलकरंजी : प्रतिनिधी
कोल्हापूर जिल्हा पोलीस मित्र असोसिएशन व वेध सोशल फौंडेशन यांच्या संयुक्त विद्यमाने जागतिक महिला दिनाचे औचित्य साधून विविध क्षेत्रात उल्लेखनीय कार्य करणाऱ्या महिलांना आदर्श महिला गौरव पुरस्काराने सन्मानित करण्यात आले.
येथील घोरपडे नाट्यगृहात झालेल्या एका शानदार समारंभात माजी खासदार श्रीमती निवेदिता माने, महापालिकेच्या प्रशासक तथा मुख्याधिकारी पल्लवी पाटील, आयजीएम रुग्णालयाच्या वैद्यकीय अधिक्षक डॉ.भाग्यरेखा पाटील, महिला व बाल विकास विभागाच्या अधिकारी निलम धनवडे, यशवंतराव चव्हाण आश्रमशाळा पुणेचे संचालक संदिप राक्षे आदी मान्यवरांच्या हस्ते या पुरस्काराचे वितरण करण्यात आले.
यावेळी प्रमुख मान्यवरांनी आपल्या मनोगतात पोलीस मित्र असोसिएशन व वेध फौंडेशनने विविध क्षेत्रात कार्यरत असणाऱ्या महिलांच्या प्रामाणिक कर्तव्यनिष्ठेची दखल घेऊन त्यांना आदर्श महिला गौरव पुरस्काराने सन्मानित करुन समाजासमोर विधायक कार्याचा आदर्श ठेवला असल्याचे गौरवोद्गार काढले.
यावेळी पोलीस मित्र असोसिएशनचे संस्थापक अध्यक्ष डॉ.युवराज मोरे, महिला राज्याध्यक्षा व वेध फौंडेशनच्या संस्थापक अध्यक्षा डॉ.रजनीताई शिंदे, राज्य संपर्कप्रमुख मुरलीधर शिंदे यांनी आपल्या मनोगतात पोलीस मित्र असोसिएशन आणि वेध फौंडेशनच्या माध्यमातून राबवण्यात येत असलेल्या समोपयोगी उपक्रमांची माहिती दिली. यावेळी पुरस्कार वितरण सोहळ्यासाठी विशेष परिश्रम घेतलेल्या पोलीस मित्र असोसिएशनच्या उज्वला कित्तूरे, आशा वाघिरे, वैशाली गडद, संगिता रुग्गे, सरस्वती हजारे, नितीन दबडे यांचाही मान्यवरांच्या हस्ते सत्कार करण्यात आला.
या कार्यक्रमास इचलकरंजी प्रिटींग प्रेस असोसिएशनचे अध्यक्ष सिताराम शिंदे, पोलीस मित्र असोसिएशनचे पदाधिकारी मिलिंद चव्हाण, रुपाली ठोमके, अमित पाटील, सुनिता पवार, सविता पुजारी, सुनिता पाडळकर, स्वाती जाधव, राजश्री बडवे, मनिषा आवळे, मिनाक्षी पाटील, चंद्रकला शिंदे, राजश्री हंकारे, मिना भिसे, कृतिका शिंदे यांच्यासह विविध क्षेत्रातील मान्यवर, असोसिएशनचे सदस्य, महिला, पुरुष मोठ्या संख्येने उपस्थित होते. कार्यक्रमाचे सूञसंचालन रेखा गायकवाड यांनी तर आभारप्रदर्शन डॉ.रजनीताई शिंदे यांनी केले.
