मालवण :

कुडाळ मालवणचे आमदार निलेश राणे यांच्या विशेष पाठपुराव्यामुळे राज्य परिवहन महामंडळाकडून मालवण एसटी आगाराला पाच नवीन बसेस उपलब्ध झाल्या आहेत. आम. निलेश राणे यांच्या वाढदिवसाचे औचित्य साधून उद्या रविवार दिनांक १६ मार्च रोजी सायंकाळी ५.३० वाजता मालवण बस स्थानकात या बसेसचे लोकार्पण आ. राणे यांच्या हस्ते होणार आहे. तरी महायुतीच्या सर्व कार्यकर्त्यांनी यावेळी उपस्थित राहावे असे आवाहन भाजपचे मालवण तालुकाध्यक्ष धोंडू चिंदरकर यांनी केले आहे.