नेरूर हवेली साईगांव येथे आढळला मृत बिबटा

कुडाळ :

तालुक्यातील नेरूळ तर्फ हवेली साईगाव येथे गुरुवारी मादी जातीचा बिबटा मृत अवस्थेत आढळून आला. बिबट्याचे मृत्यूचे नेमके कारण समजू शकले नाही. सदर बिबटा मृत झाल्याची माहिती येथील ग्रामस्थ श्री.सुर्यकांत भिकाजी कुंभार, रा.साईगांव यांनी वनपाल नेरुर त. हवेली यांना फोन द्वारे दिली. नेरूळ हवेली येथील वनपाल यांनी तात्काळ घटनास्थळी जाऊन पाहणी केली. त्यानुसार वनपाल नेरुर त. हवेली यांनी सदर घटनेबाबतची माहिती वनक्षेत्रपाल कुडाळ यांना दिली.

त्याप्रमाणे मा.सहा.वनसंरक्षक (खाकुतो व वन्यजीव) सावंतवाडी व वनक्षेत्रपाल कुडाळ यांनी वनपाल नेरुर त. हवेली वनरक्षक नेरुर त. हवेली यांचे समवेत जागेवर जाऊन व पाहाणी केली असता, वन्यप्राणी बिबट मृत झाल्याचे दिसून आले. त्यानंतर पशुवेदयकिय अधिकारी कुडाळ यांना बोलाविणेत आले. पशुवैदयकिय अधिकारी कुडाळ यांनी सदर मृत बिबटयाचे पाहाणी केली असता, सदर बिबट हा मादी असून त्याचे अंदाजे वय 4ते5 वर्षे असल्याचे सांगितले. सदर ठिकाणी आजु बाजूच्या परिसराची पाहाणी करुन व चौकशी करुन, खात्री करुन पंचनामायादी कागदपत्रे तयार करण्यात आली त्यानंतर मृत बिबटयाचे शव मौजे आकेरी येथील वनविश्रामगृह येथे आणून त्याचे पशुवैदयकिय अधिकारी कुडाळ यांचेमार्फत मा.उप-वनसंरक्षक सावंतवाडी, मा.सहा.वनसंर्षक (खाकुतो ववन्यजीव) सावंतवाडी व वन अधिकारीकमर्चारी यांचे समक्ष शवविच्छेदन करुन दहन करणेत आले.

शवविच्छेदन करताना मृत्युचे नेमके कारण समजणेकरिता सदर मृत बिबट मादीच्या अवयवांचे नमुने घेण्यात आले आहेत ते न्यायवैज्ञानिक प्रयोगशाळेत तपासणी करिता पाठविण्यात येणार असून, सदर घटनेबाबत वनपाल नेरुर त. हवेली यांचेकडील प्रथम गुन्हा रिपोर्ट वप्रार 02/2025 चा गुन्हा दाखल केला आहे. सदर घटनेचा पुढील तपास मा.उप-वनसंरक्षक सावंतवाडी व मा.सहा.वनसंरक्षक (खाकुतो व वन्यजीव) सावंतवाडी यांचे मार्गदर्शनाखाली चालू आहे. अशी माहिती वनक्षेत्रपाल कुडाळ तपासणी अधिकारी सं. श्री. कुंमार पत्रकाद्वारे दिली आहे.