सिंधुदुर्गनगरी

जिल्हा पशुवैद्यकीय सर्वचिकित्सालये, तालुका लघु पशुवैद्यकीय सर्वचिकित्सालये, पशुवैद्यकीय दवाखाने श्रेणी 1 व श्रेणी 2, फिरते पशुवैद्यकीय दवाखाने यांच्या कामकाजाच्या वेळांमध्ये बदल करण्यात आला आहे. त्यानुसार आता या सर्व दवाखाने व चिकित्सालयांच्या वेळा पुढील प्रमाणे असणार आहेत. सोमवार ते शुक्रवार सकाळी 9 ते सायंकाळी 4.30 पर्यंत कामकाजाची वेळ असेल. तर शनिवारी सकाळी 8 ते दुपारी 1 वाजेपर्यंत कामकाजाची वेळ  आहे. तरी जिल्ह्यातील सर्व पाशुपालक, शेतकरी यांनी पशुवैद्यकीय दवाखान्यांच्या तसेच कार्यालयांच्या बदललेल्या वेळांची नोंद घ्यावी. तसेच जिल्हा पशुवैद्यकीय सर्वचिकित्सालये, तालुका लघुपशुवैद्यकीय सर्वचिकित्सालये, पशुवैद्यकीय दवाखाना श्रेणी 1 व श्रेणी 2 मध्ये नवीन कामाकाजाच्या वेळेत त्यांची जनावरे पशुवैद्यकीय सेवा सुविधा, उपचार किंवा कृत्रिम रेतन किंवा अनुषंगिक बाबीकरिता घेऊन यावीत असे अवाहन  डॉ. डी.ए.शिंपी, जिल्हा पशुसंवर्धन उपआयुक्त, सिंधुदुर्ग यांनी केले आहे.