*जागतिक साहित्य कला व्यक्तित्व विकास मंचचे सन्मा सदस्य कवी अरुण वि देशपांडे लिखित अप्रतिम काव्यरचना*

।। श्री स्वामी समर्थ जय जय स्वामी समर्थ ।।

श्री स्वामी समर्थ काव्य-वंदना 

काव्यपुष्प- ११ वे

__________________________

स्वामींच्या पूर्व-चरिताचे वर्णन । आता यापुढे करीन ।

करावे तुम्ही पठण । याचे, मनोभावे ।। १ ।।

अक्कलकोटी येण्याआधी । प्रचंड भ्रमंती केली आधी।

विविध नावे धारण केली कधी । अनेक ठिकाणी ।। २।।

याबद्दलचे विवेचन । कथन ते करीन । कुठे कुठे केले

भ्रमण । पूर्व-चरितात स्वामींनी ।।३ ।।

सर्वांसाठी स्वामी श्रद्धेय विभूती । भेटती त्यांना नाना व्यक्ती।

कानी पडे थोर कीर्ती । स्वामी-कार्याची ।। ४ ।।

शके-(१०७१)-एक हजार एकाहत्तर ।११४९-अकराशे एकोण पन्नास हे इंग्रजी वर्ष होते ते तर । पंजाब प्रांती-बालक-रुपात प्रकटले स्वामी ।।५ ।।

अक्कलकोटी एके दिवशी । स्वामीसुत प्रसादवाटी सर्वांशी।

लोक विचारी- काय आजच्या दिवशी । स्वामी वदले-

करितो हा साजरा जन्म दिवस आमुचा ।। ६ ।।

म्हणून- चैत्र शुद्ध द्वितीया-दिन । मानिती हाच प्रकट दिन।

करिती साजरा भक्त-गण । स्वामी-समर्थांचे ।। ७।।

_____________________

करी क्रमशः लेखन- कवी अरुणदास

__________________________

-अरुण वि.देशपांडे-पुणे.

__________________________