*जागतिक साहित्य कला व्यक्तित्व विकास मंचचे सन्मा सदस्य तथा संस्थापक अध्यक्ष महाकवी कालिदास प्रतिष्ठान पुणे लेखक कवी वि. ग. सातपुते लिखित अप्रतिम काव्यरचना*

*चिरंजीवी सावली*

*****************

तूच संचिताची पावन सरिता

माझिया श्वासांचीच सावली

जन्मदात्यांची कृपा कृपाळु

तशीच तुझी संगती लाभली

तुझ्याच छायेतला संधिकाल

तृप्तीच कृतार्थी जीवनातली

स्मरती आज गे क्षणक्षण सारे

प्रारब्धाची , रंगपंचमी रंगलेली

तुझिच साथ मज सावरणारी

भावप्रीतीतुनी सदा फुललेली

सांग नां ! सखये गे तूच आता

निर्मली प्रीती गं दुजी कुठली ?

बघ नां क्षितिजाच्या संधेवरती

आजही घुमते मुरलीधरी मुरली

मीही असा अन बघ तुही अशी

आजही डूलतो निर्मोही प्रीतवेली

*************************

*( 13 )*

*©️ वि.ग.सातपुते. (भावकवी)*