*जागतिक साहित्य कला व्यक्तित्व विकास मंचचे सन्मा सदस्य कविवर्य वैद्यराज भूपाल त्र्यंबक देशमुख लिखित अप्रतिम काव्यरचना*
*❤️❤️एवढे सांगून दे तू ❤️❤️*
बेरजेची अक्षरे का मोजली सांगून दे तू ।
मी तुझा का तूच माझी एवढे सांगून दे तू ।।
झुंबरांचा मंद दीप अंबरातील चांदण्या ।
काय आवडते तुला एवढे सांगून दे तू ।।
गंधल्या हृदयातल्या अत्तरातील भाव घे ।
तृप्तता येईल का गं एवढे सांगून दे तू ।।
त्या नभातील चंद्रमा वा वारिधि मुक्ताफले ।
का दवांनी स्पर्श केल्या पुष्करा सांगून दे तू ।।
या ऋतुंचे सोहळे वा अंबरी रंगावली त्या ।
त्या धृवांची आस आहे एवढे सांगून दे तू ।।
चांचल्य तू वार्‍यातले अन् मी सुखांची गम्यता ।
का हवे सर्वस्व माझे एवढे सांगून दे तू ।।
मी दिले सर्वस्व आणि जर रिकामा जाहलो ।
तो तुझा आनंद का गं एवढे सांगून दे तू ।।
*©सर्वस्पर्शी*
©कविवर्य वैद्यराज भूपाल त्र्यंबक देशमुख.
नाशिक ९८२३२१९५५०
