*दिव्यांग बांधवांचा विभागवार मेळावा संपन्न*

सिंधुदुर्ग

सिंधुदुर्ग साईकृपा अपंगशक्ती बहुउद्देशिय शिक्षण संस्था कसाल सिंधुदुर्ग व जिल्हा दिव्यांग पुनर्वसन केंद्र सिंधुदुर्ग यांच्या संयुक्त विद्यमाने शुक्रवार दिनांक 07/02/2025 रोजी वागदे पंचक्रोशीतील सर्व दिव्यांग बांधवांचा विभागीय मेळावा सकाळी 10.00 वाजता संपन्न झाला. या मेळाव्यामध्ये वागदे गावचे सरपंच संदीप सावंत सर, ग्रामसेवक युवराज बोराडे सर, सदस्य संजना गावडे, शुभांगी राणे,पूजा पटकारे, नेहा परब तसेच ग्रामपंचायत कर्मचारी, संस्था अध्यक्ष अनिल शिंगाडे सर, तसेच संस्था कर्मचारी संजना गावडे, प्रणाली शिर्के, विशाखा कासले, दीपक चव्हाण आदी मान्यवर उपस्थित होते. मान्यवरांच्या वतीने दीप प्रज्वलन करून कार्यक्रमाची सुरुवात करण्यात आली. तसेच संस्था अध्यक्ष अनिल शिंगाडे सरांनी दिव्यांग बांधवांना मार्गदर्शन केले. तसेच सरपंच संदीप सावंत सर यांनी दिव्यांगाना मार्गदर्शन केले. दळवी मॅडम यांनी अहवाल वाचन केले. संस्थेच्या वतीने उपस्थित दीव्यांग बांधवाना भेटवस्तू वाटप करण्यात आल्या. या मेळाव्याला 40 हून जास्त दीव्यांग उपस्थित होते. ग्रामपंचायतीच्या वतीने सर्व दीव्यांग बांधवांना उपहार देण्यात आला. तसेच पुनर्वसन केंद्राच्या वतीने मयूर गणेश धुरी यांना कानाची मशीन देण्यात आली. श्रद्धा परब यांना एमआर किट देण्यात आले. संस्था कर्मचारी दळवी मॅडम यांनी उपस्थितांचे आभार मानून कार्यक्रम संपन्न झाला असे जाहीर केले