*मंगळवारी २१ जानेवारीला राज्यस्तरीय गदिमा कवितामहोत्सव*

पिंपरी

महाराष्ट्र कामगार साहित्य परिषद, आशिया मानवशक्ती विकास संस्था आणि गणेश इंटरनॅशनल स्कूल यांनी मंगळवार, दिनांक २१ जानेवारी २०२५ रोजी ३२ व्या राज्यस्तरीय गदिमा कवितामहोत्सवाचे गणेश इंटरनॅशनल स्कूल, नेवाळेवस्ती, चिखली येथे सकाळी ठीक १०:०० वाजता आयोजन केले आहे. डॉ. डी. वाय. पाटील विद्यापीठाचे कुलपती डॉ. पी. डी. पाटील यांच्या हस्ते महोत्सवाचे उद्घाटन होणार असून ज्येष्ठ कविवर्य डॉ. विठ्ठल वाघ हे अध्यक्षस्थान भूषवतील; तर एस. बी. पाटील स्वागतप्रमुख आहेत. संगीतकार आनंद माडगूळकर यांच्या शुभहस्ते आणि महाराष्ट्र कामगार कल्याण मंडळाचे कल्याण आयुक्त रविराज इळवे यांच्या प्रमुख उपस्थितीत ज्येष्ठ साहित्यिक डॉ. श्रीपाल सबनीस आणि ज्येष्ठ कविवर्य अशोक नायगावकर यांना जीवनगौरव सन्मान प्रदान करून गौरविण्यात येईल. त्याचबरोबर कालिका बापट (गदिमा काव्यसाधना पुरस्कार), संगीता सूर्यवंशी (गदिमा लोककला पुरस्कार), राजन लाखे (गदिमा शब्दप्रतिभा पुरस्कार), अनंत राऊत (गदिमा काव्यप्रतिभा पुरस्कार), देवा झिंजाड आणि समीर गायकवाड यांना अनुक्रमे ‘एक भाकर तीन चुली’ आणि ‘खुलूस’ या कादंबर्‍यांसाठी मृत्युंजयकार शिवाजी सावंत यांच्या स्मरणार्थ (मृत्युंजय साहित्य पुरस्कार) तसेच राजेश गायकवाड (‘बिन चेहर्‍याच्या कविता’), आनंद पेंढारकर (‘मी एक बोन्साय’), संदीप काळे (‘सईच्या कविता’), माधुरी विधाटे (‘मल्हारधून’), मीना शिंदे (‘दीवान – ए – मीना’), निरुपमा महाजन (‘शांत गहिर्‍या तळाशी’) यांना कवितासंग्रहासाठी गदिमा साहित्य पुरस्कार आणि गणेश भाकरे यांना (‘थेंबा थेंबाची कहाणी’) गदिमा बालकाव्य पुरस्कार प्रदान करून सन्मानित करण्यात येईल. गदिमा दिवाळी अंक पारितोषिकासाठी अधोरेखित (प्रथम) आणि हंसा (द्वितीय) या अंकांच्या संपादिका डॉ. पल्लवी बनसोडे आणि प्रिया कालिका बापट यांना सन्मानित केले जाणार आहे. काव्यमहोत्सवात शोभा जोशी, प्रतिमा काळे, रशीद अत्तार, देवेंद्र गावंडे आणि सुरेश वाघचौरे यांना गदिमांचे वारसदार कवी म्हणून सन्मानित केले जाईल. नि:शुल्क असलेल्या या काव्यमहोत्सवात रसिकांनी आवर्जून उपस्थित राहावे, असे आवाहन स्वागताध्यक्ष सुदाम भोरे आणि निमंत्रक श्रमश्री बाजीराव सातपुते यांनी केले आहे.

– प्रदीप गांधलीकर
९४२१३०८२०१
७४९८१८९६८२

.______________________________
*संवाद मिडिया*

प्रिय पालक आणि विद्यार्थी,
आपल्या रत्नागिरीत पहिल्यांदाच फक्त *JEE आणि CET* परीक्षांच्या उत्कृष्ट तयारीसाठी सुवर्णसंधी!

*आता कोकणातील एकमेव IITian शिक्षक म्हणजेच राजवाडे सरांच्या च्या मार्गदर्शनाखाली विशेष बॅच सुरू होत आहे.*

✅ तज्ज्ञ मार्गदर्शन: IIT JEE / CETचे अनुभव आणि यशस्वी तंत्रशुद्ध अभ्यास पद्धती
✅ व्यक्तिगत लक्ष: प्रत्येक विद्यार्थ्याच्या प्रगतीवर विशेष भर
✅ नवीनतम अभ्यासक्रम: JEE आणि CET साठी अद्ययावत नोट्स आणि टेस्ट सिरीज
✅ आधुनिक तंत्रज्ञानाचा वापर: सुलभतेने शिकण्यासाठी डिजिटल साधने
आता आपल्या मुलाचे स्वप्न IIT किंवा उत्कृष्ट अभियांत्रिकी कॉलेजमध्ये जाण्याचे पूर्ण करा!
स्थाने आणि नोंदणीसाठी आजच संपर्क साधा:

📞 9653348536 / 9421141980

📍 [यश सिद्धी क्लास, शिर्के प्लाझा]

शिकण्याचा नवीन दृष्टीकोन आणि प्रेरणादायक वातावरणाची हमी!
सीमित प्रवेश – आजच नोंदणी करा!

“यश तुमच्या मुलाच्या भविष्याचा पाया होईल!”

*Advt 
———————————————-
*संवाद मीडिया*
*वेबसाईट* : https://sanwadmedia.com/
*फेसबुक* : https://facebook.com/Snvadmedia
*चॅनेल* :https://youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*