*ज्येष्ठ लेखिका कवयित्री चित्रकारा स्वप्नगंधा सतीश आंबेतकर लिखित अप्रतिम काव्यरचना*
*झपूर्झा*
मन्मनी मोहरले गीत नवे
जे वाटे नीत हवे हवे
फुलवित नवा स्वप्न झुला
हिंदोळा झुले संगीत नवे
🌹🌹🌹
मन्मयूर फुलवित रंगपिसारा
शब्दांचा ओसंडून वाहे डोलारा
उलगडे शब्दकोशाचा नजारा
नावरे भिरभिरता काव्यफुलोरा
🦚🦚🦚
बकुळफुलांपरी जपले शब्द मी
सुगंध त्यांचा ठाव घेई अंतरी
भिरभिरत्या वायूसंगे गंधलहरी
परिमळल्या रसिकांच्या अंतरी
🌼🌼🌼
नित्य नवविषयांच्या शब्दलहरी
मधुरनादे जणू वाजे बासरी
भावनांचा फुलोरा मोबाईलवरी
नित्य नवा शब्दालंकार अंतरी
🌦️🌧️🌊
उचंबळले भरते सागरासमअंतरी
ओथंबले भावशब्द हृदयांतरी
नटरंगी दुनियेचे प्रतिबिंब दिसता
अबोल शब्दउमटले कागदावरी
🌞🌝🌎
निसर्गाच्या सान्निध्यी काव्यस्फुरे
भावपुष्पांची शब्द किमया उतरे
सुखदुःख,प्रेम,माया,उद्वेग,आवेग
सप्तरंगी इंद्रधनुषीझपुर्झाअवतरे!
🌈🌈🌈🌈🌈🌈🌈🌈🌈🌈
स्वप्न गंधा सतीश आंबेतकर
मुंबई. विरार
