सातार्डा येथे २६ रोजी तालुकास्तरीय बुद्धिबळ स्पर्धा

सातार्डा

सातार्डा येथील पंचक्रोशी टिळक ग्रंथालयाच्यावतीने सुवर्ण महोत्सवी वर्षानिमित्त २६ नोव्हेंबर रोजी तालुकास्तरीय बुद्धिबळ स्पर्धेचे आयोजन करण्यात आले आहे. मंगळवारी सकाळी ९ वाजता टिळक ग्रंथालयाच्या सभागृहामध्ये ही स्पर्धा घेण्यात येणार आहे. १४ व १९ वयोगटाखालील दोन गटांमध्ये ही बुद्धिबळ स्पर्धा घेण्यात येणार आहे. प्रत्येक शाळेमधून प्रत्येक गटातील जास्तीत जास्त दोन स्पर्धक विद्यार्थ्यांना सहभाग दिला जाणार आहे. दोन्ही गटातील प्रथम विजेत्या विद्यार्थ्याला १००० रु., द्वितीय ७०० रु. व तृतीय विजेत्या विद्यार्थ्याला ५०० रु. तसेच दोन्ही गटातील प्रथम येणाऱ्या तिन्ही विजेत्यांना सातार्डा पंचक्रोशी टिळक ग्रंथालयाकडून प्रमाणपत्र व सन्मानचिन्ह देण्यात येणार आहे. प्रथम नावनोंदणी करणाऱ्या प्रत्येक गटातील ३५ विद्यार्थ्यांना प्राधान्य देण्यात येणार आहे. इच्छुक स्पर्धकांनी शाळेचे नाव व गटासह २२ नोव्हेंबरपर्यंत ग्रंथालयाचे अध्यक्ष ज्ञानेश्वर मांजरेकर (९४२१२६५७५१) यांच्याशी संपर्क साधावा, असे आवाहन करण्यात आले आहे.