*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री सौ स्मिता रेखडे लिखित अप्रतिम काव्यरचना*

*” स्वरसुमने “*

गानसम्राज्ञी संगीतातील

लौकिकाचा अढळ ध्रुवतारा

अनोख्या पर्वाचा सुरमयी

तेजोमय चमकता सितारा ||१||

मंगेशीचा लख्ख उजळला

सप्तसुरांनी ह्रदयगाभारा

लय, सुर, तालाचा नादमधुर

अनुपम भाव श्रद्धेय नजारा ||२||

नम्र लिनता मोहकता विराजे

शालिन,सोज्वळ बोलका चेहरा

युगायुगातंरी राहे भावविश्वात

गानविश्वातील अनमोल मोहरा ||३||

वैविध्य गीतांचा जादुई आवाज

आनंदी सात्विकतेने फुलविला

जगविख्यात सुरेल पार्श्वगायीका

भारतरत्न स्वरसम्राज्ञीने गौरविला ||४||

शास्त्रीय गायक पिता दीनानाथ

माता माईंच्या उदरी जन्म आगळा

कठीण परिस्थितीत खंबीर सामना

लतादिदींचा आनंदघन संगीत सोहळा ||५||

विविध पुरस्कारांच्या शोभल्या मानकरी

रिझविले श्रद्धाळू मनानां राम भजनातुनी

अभिनेत्री ते गानकोकीळा अद्भूत जीवन

अनोखी स्वरसुमने अर्पिली गायनातुनी ||६||

सौ. स्मिता श्रीकांत रेखडे.