*जागतिक साहित्य कला व्यक्तित्व विकास मंच तथा काव्य निनाद साहित्य मंच पुणे समूहाच्या सन्माननीय सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यांजली काव्यरचना*

*बाप्पाचे स्वागत*

बाप्पा मोरया

करते तुला वंदन

सुगंधी चंदन

अर्पूनिया

ताज्या दुर्वा

बागेतून तुझ्यासाठी आणते

आराधना करते

भक्तिभावे

देवा गणराया

षडानन तुझा भ्राता

सृष्टीचा त्राता

तूच

पार्वतीचा कुमार

विद्यादाता तू गजानन

तुझ्यामुळे जीवन

आनंदीत

आरास सुंदर

केली देवा तुझ्यासाठी

ढोलताशे पाठोपाठी

वाजताती

द्यावे वरदान

निवारण करावे संकटांचे

दिवस समाधानाचे

येण्यासाठी

देवा तुझ्यासाठी

केला आज अट्टाहास

मोदक खास

नैवेद्यासाठी

तुझ्या आगमनाने

कुमती दूर पळते

आनंदीत होते

चराचर

प्रतिभा पिटके

अमरावती