*जागतिक साहित्य कला व्यक्तित्व विकास मंच तथा काव्य निनाद साहित्य मंच पुणे समूहाच्या सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*

*बेलपत्र*

आवडते बेलपत्र
साध्या भोळ्या शंकरास
शंभु फार समाधानी
नको बडेजाव खास

साधा भोळा महादेव
नित्य राही स्मशानात
चित्ती भेदभाव नाही
हर्ष वाटे कैलासात

बेल पत्र, पाने फुले
रुची साध्या राहणीची
वैराग्याचा हा पुतळा
असे साथ पार्वतीची

बेलपत्र वाहूनिया
श्रावणात सोमवारी
पूजा करतात नारी
सौख्य मागती संसारी

प्रतिभा पिटके
अमरावती