कार्यकर्ता हीच माझी संपत्ती – आमदार नितेश राणे
मंडळ अध्यक्षपदी नासीर काझी यांनी केलेले कार्य आदर्शवत
वैभववाडी भाजपा मंडळ नुतन अध्यक्ष सुधीर नकाशे व माजी अध्यक्ष श्री काझी यांचा सत्कार सोहळा संपन्न
आमदार नितेश राणे यांची प्रमुख उपस्थिती
वैभववाडी
कार्यकर्ता हीच माझी संपत्ती आहे. प्रामाणिक व निष्ठावान कार्यकर्ते मला मिळाले हे माझे भाग्य समजतो. अनेक संकटात प्रत्येक कार्यकर्ता आमच्या पाठीशी उभा राहिला. भाजपा हे आपलं कुटुंब आहे. आणि कार्यालय आपलं मंदिर आहे. यापुढेही मतभेद विसरून आपण एकजुटीने काम करूया. सर्वांना सोबत घेऊन पक्ष संघटना अधिक बळकट करूया. असे प्रतिपादन कणकवली, देवगड व वैभववाडी मतदारसंघाचे कार्यसम्राट आमदार नितेश राणे यांनी केले.
वैभववाडी भाजपा मंडळ अध्यक्ष सुधीर नकाशे तसेच माजी अध्यक्ष नासीर काझी यांचा सत्कार सोहळा पक्ष कार्यालयात संपन्न झाला. यावेळी नासीर काझी, सुधीर नाकाचे, भालचंद्र साठे, अरविंद रावराणे, प्राची तावडे, नेहा माईणकर, सज्जनकाका रावराणे, हुसेन लांजेकर, राजेंद्र राणे, संजय सावंत, स्नेहलता चोरगे, बंड्या मांजरेकर, प्रकाश पाटील, रितेश सुतार, बबलू रावराणे, उत्तम सुतार व भाजपा पदाधिकारी कार्यकर्ते मोठ्या संख्येने उपस्थित होते.
