देवगड :
श्रावण सोमवार साठी श्री क्षेत्र कुणकेश्वर भाविकांसाठी सज्ज झाले आहे. श्रावण सोमवारची जय्यत तयारी देखील श्री देव कुणकेश्वर देवस्थान ट्रस्ट वतीने करण्यात आली आहे. आजच्या पहिल्या श्रावण सोमवारी कुणकेश्वराची प्रथम पूजा सकाळी ५.३० वाजता सौ. निलमताई नारायणराव राणे व आम. नितेश राणे यांच्या हस्ते संपन्न झाली.
जुलै महिना संपला की मराठी वर्षानुसार आषाढी संपली की श्रावणाला सुरुवात होते. यावर्षी पाच श्रावण सोमवार आहे. जवळपास ७२ वर्षानी आज सोमवारी श्रावण मासाची सुरुवात होत आहे. यानिमित्त पहिल्या पूजेचा मान सौ. निलमताई राणे व आम. नितेश राणे यांना कुणकेश्वर देवस्थान ट्रस्ट ने दिला. यावेळी देवगड तालुकाध्यक्ष संतोष किंजवडेकर, योगेश चांदोस्कर, तन्वी चांदोस्कर, गोविंद सावंत आणि देवस्थान ट्रस्टचे अध्यक्ष तसेच सर्व पदाधिकारी कार्यकर्ते, सरपंच, भाविक मोठ्या संख्येने उपस्थित होते.
