*जागतिक साहित्य कला व्यक्तित्व विकास मंचाचे सन्माननीय सदस्य कवी अरुण वी. देशपांडे लिखित श्रीगोंदवलेकर महाराज काव्याचारितावली*
*काव्यपुष्प – ८७*
—————————————–
गोंदवल्यास स्थिर न राहती । सतत भ्रमंती करिती ।
गावोगावीच्या भक्तांना भेटती । श्रीमहाराज ।। १ ।।
सन-एकोणिसशे दहा साली । त्यांनी मुंबईची सफर केली ।
सर भालचंद्र भाटवडेकर यांच्याकडे मुक्कामी राहिली ।
महाराज, नि सोबतची मंडळी ।। २ ।।
चिदंबर नाईकांनीं । आणिक हुबळीच्या लोकांनी ।
करून राम मंदिराची उभारणी । बोलाविले श्री महाराजांना ।।३ ।।
श्री महाराज मुंबईहून परतले । हुबळीस निघाले। सोबती मंडळीना घेतले । श्री राम मंदिर स्थापनेसाठी ।। ४ ।।
जोरदार स्वागत त्यांचे झाले । खूप भक्त-लोक दर्शनास आले । भेटीने आनंदले । जन हुबळीचे ।। ५ ।।
एक दिवस अंगात ताप असता । कुणाला न सांगता ।
महाराज गेले भेटी करिता । भक्त जानकीबाईच्या ।। ६ ।।
बोले-महाराज-तब्येत बरी नाही । तोंडाला चव नाही ।
करावा सारभात तुम्ही बाई । खाईन मी ।। ७ ।।
राम देईल प्रेम । नामाचा ठेवा नित्य नेम । होईल सारे कुशल-क्षेम । जानकीबाई तुमचे ।। ८ ।।
*****
क्रमशः करी हे लेखन कवी अरुणदास ।।
—————————————–कवी- अरुणदास – अरुण वि.देशपांडे -पुणे
—————————————- ————
