*जागतिक साहित्य कला व्यक्तित्व विकास मंचचे सन्मा सदस्य कवी चंद्रशेखर कासार लिखित अप्रतिम काव्यरचना*
*पावसाचा धर्म*
पाऊस आला पाऊस
पाऊस येऊन गेला
धो धो वाहून गेला
पाणी पाणी करणाऱ्यांना
पाणी पाजून गेला
पावसा तू ,
धर्म तुझा निभावला….
उन्हाने होरपळून
भाजलेल्या लाहीलाही
झालेल्यांना
गारव्याचे सुख देऊन गेला
पावसा तू ,
धर्म तुझा निभावला…..
शेत शिवार भिजले
बळीराजा सुखावला
दुष्काळाचे सावट
दूर करून गेला
पावसा तू ,
धर्म तुझा निभावला….
नदी नाले धरणे
विहीरी तळे भरून
धरणीला ओल देऊन गेला
पावसा तू ,
धर्म तुझा निभावला….
दरसाल आभाळातून
नेमेची येतो पावसा
थेंब थेंब पावसाने
घसा ओला करून गेला
पावसा तू ,
धर्म तुझा निभावला…..
तरीही मात्र तुझा
नाही कोणास भरवसा
परि रूबाब तुझा असा
साऱ्यांना दावून गेला
पावसा तू ,
धर्म तुझा निभावला…..
तू देव आमचा वरूण
जीवनदान देतो आम्हाला
तुझ्या विना जगणे कठीण
साऱ्यांना शिकवून गेला
पावसा तू ,
धर्म तुझा निभावला…..
कवी:-
*चंद्रशेखर प्रभाकर कासार*
*चांदवडकर, धुळे.*
७५८८३१८५४३.
