*जागतिक साहित्य कला व्यक्तित्व विकास मंचच्या सन्माननीय सदस्य ज्येष्ठ लेखिका कवयित्री सौ.सरिता परसोडकर लिखित अप्रतिम बालगीत*

*🌹फुलपाखरू*

*वाटे मजला*

वाटे मजला फुलपाखरू व्हावे

हिरव्या कुरणावरती बागडावे//धृ//

निळसर डोंगर-दऱ्या कपारी

उडून बघावी दुनिया सारी

मनमौजेने स्वच्छंदी गीत गावे

हिरव्या कुरणा वरती बागडावे..//१//

कधी झरती त्या श्रावणधारा

घ्यावे वाटे मज कवेत वारा

पर्ण पोपटी हिंदोळ्यावर जावे

हिरव्या कुरणावरती बागडावे..//२//

रंगबिरंगी ते पंख घेऊनी

हुलकावणी ती मध्ये देऊनी

फुला फुला वरून मस्त गंध घ्यावे

हिरव्या कुरणावरती बागडावे…//३//

नको वाटे मज कुणी धरावे

गुणगुणत मी मस्त फिरावे

कधी निशेच्या कवेत जावे

हिरव्या कुरणावरती बागडावे..//४//

रूप माझे किती गोजिरे

लुकलुकणारे डोळे साजिरे

गुण कुणी का माझे वदावे

हिरव्या कुरणावरती बागडावे..//५//

सरिता परसोडकर

✒️