अणसूर पाल हायस्कूलमध्ये स्पर्धा परीक्षा अभ्यासिका सुरू…
वेंगुर्ले
ग्रामीण भागातील विद्यार्थ्यांना विविध प्रकारच्या स्पर्धा परीक्षांची माहिती व्हावी व परीक्षाविषयक पुस्तकांची माहिती होवून त्यांचा अभ्यास करता यावा, या उद्देशाने अणसूर पाल हायस्कूल येथे स्पर्धा परीक्षा अभ्यासिका सुरू करण्यात आली आहे. या अभ्यासिकेचा लाभ इ.१० वी व आजी माजी विद्यार्थी घेत आहेत. यासाठी शासकीय, निमशासकीय विविध स्पर्धा परीक्षा विषयक ४१ मार्गदर्शक पुस्तकांचा संच, वेंगुर्ला नगर वाचनालय वेंगुर्ला यांचेमार्फत अणसूर पाल हायस्कूल अणसूर शाळेत उपलब्ध करून देण्यात आला आहे. याबद्दल वेंगुर्ला नगर वाचनालयाचे अणसूर पाल हायस्कूलच्यावतीने मुख्याध्यापक व शिक्षक यानी आभार मानले आहेत.
