कुडाळ येथे एप्रिलपासून बालनाट्य प्रशिक्षण

कुडाळ

येथील बाबा वर्दम थिएटर्स या हौशी नोंदणीकृत संस्थेमार्फत २१ एप्रिल ते ५ मे २०२४ या कालावधीत रोज सायंकाळी ५ ते ७.३० या वेळेत बालनाट्य प्रशिक्षण कार्यशाळा येथील सांस्कृतिक भवनात आयोजित करण्यात आली आहे. कार्यशाळेत ५ ते १५ या वयोगटातील मुलांना सहभागी होता येईल. ज्या मुलांना या कार्यशाळेत सहभागी व्हायचे असेल, त्यांनी केदार सामंत, मोबा-८२७५३९०९०९ यांच्याशी संपर्क साधून आपली नाव नोंदणी करावी, असे आवाहन बाबा वर्दम थिएटर्सचे कार्यवाह यांनी केले आहे.