*जागतिक साहित्य कला व्यक्तित्व विकास मंच तथा लालित्य नक्षत्रवेल समूहाच्या सदस्या ज्येष्ठ लेखिका कवयित्री सौ. मंजिरी अनसिंगकर लिखित अप्रतिम अष्टाक्षरी रचना*

*अध्याय तिसरा*

*(श्री गजानन विजय ग्रंथ)*

जानराव देशमुख

असे मृत्यु शय्येवरी

शोकमग्न आप्तजन

मार्ग काढा कांहीतरी ||

घरी वसे बंकटाच्या

एक साक्षात्कारी संत

त्यांस सांकडे घालावे

कृपा करा कृपावंत ||

पदतीर्थ समर्थांचे

देता जीव तो वाचला

जानरावा मिळाली हो

संजीवनी जीवनाला ||

समर्थांसारखा संत

असतांना शेगांवास

मृत्यु न यावा कोणास

जनमनी हीच आंस ||

काही अशक्य नसते

ख-या संतपुरूषाला

परि मृत्यु न टाळती

निवारती संकटाला ||

मृत्यु तीन प्रकारचे

एक अध्यात्मिक असे

कुपथ्याने व्याधी देही

आधिभौतिकात दिसे ||

मृत्यु आधिदैविकाचा

परिहार नवसाने

आधिभौतिकाचा नाश

होतो योग्य औषधीने ||

अध्यात्मिक मृत्यु मात्र

कोणाच्याने न टळतो

श्रीकृष्णासन्मुख रणी

अभिमन्यु ही पडतो ||

विवेचन हे मृत्युचे

ज्ञानार्जन होई जना

निवारण्या गंडांतर

खरे साधुत्वच जाणा ||

©️®️

सौ.मंजिरी अनसिंगकर नागपूर.