You are currently viewing नृत्य परिषदेच्या सिंधुदुर्ग जिल्हाध्यक्षपदी राहुल कदम यांची निवड…

नृत्य परिषदेच्या सिंधुदुर्ग जिल्हाध्यक्षपदी राहुल कदम यांची निवड…

कुडाळ :

नृत्यासाठी काम करणाऱ्या आणि नृत्य कलाकारांना संघटित करणाऱ्या नृत्य परिषदेची सिंधुदुर्ग जिल्हा कार्यकारिणी जाहीर करण्यात आली आहे. राहुल दत्तात्रय कदम यांची नृत्य परिषदेच्या जिल्हाध्यक्षपदी तर महेश जांभोरे यांची कार्याध्यक्षपदी निवड करण्यात आली आहे. सोमवार नृत्य परिषदेच्या राज्य स्तरीय पदाधिकाऱयांच्या उपस्थितीत झालेल्या बैठकीत हि निवड जाहीर करण्यात आली.
राज्यभरातील नृत्य कलाकारांना एकत्र करून त्यांचे संघटन बांधण्याचे काम नृत्य परिषद करीत आहे. नृत्य परिषदेचे अध्यक्ष मेघराज राजे भोसले यांच्या मार्गदर्शनाखाली महाराष्ट्रात विविध जिल्ह्यातील सर्व नृत्यप्रेमी व नृत्य दिग्दर्शक यांना एकत्रीत करुन यांच्या सर्व समस्या सोडवण्यासाठी व नृत्य क्षेत्रात वाढ करण्यासाठी नृत्य परिषदेची जिल्हानिहाय कार्यकारणी जाहिर करण्यात येत आहे. त्याचाच एक भाग म्हणून सिंधुदुर्ग जिल्ह्याची कार्यकारिणी अलीकडेच झालेल्या नृत्य परिषदेच्या बैठकीत जाहीर करण्यात आली.
कुडाळ येथे सोमवारी ७ डिसेंबर रोजी जिल्ह्यातील सर्व नृत्य कलाकार, कोरिओग्राफर यांची बैठक आयोजित करण्यात आली होती. नृत्य देवतेला अभिवादन करुन आणि मान्यवरांच्या हस्ते दीप प्रज्वलन करून बैठकीला सुरवात झाली. या बैठकीला नृत्य परिषद महाराष्ट्र राज्य कार्यकारणीचे जतिन पांडे (कार्यकारणी सदस्य), आशुतोष राठोड (कार्याध्यक्ष), रत्नाकर शेळके (उपाध्यक्ष), अभिजीत संकाये (सल्लागार) आणि सागर बगाडे (पश्चिम महाराष्ट्र विभाग प्रमुख) उपस्थित होते. योगेश पांडे आणि सागर बगाडे यांनी नृत्य परिषदेचे कार्य, हेतू आणि भविष्यातील उपक्रम याविषयी माहिती दिली. सभेच्या माध्यमातून जिल्हा तथा तालुका पदाधिकारी यांची निवड करण्यात आली. अध्यक्ष – राहुल राजदत्त कदम, कार्याध्यक्ष – महेश जांभोरे, सचिव – रोहित माने, सह सचिव सागर सारंग, खजिनदार – सौ. अदिती दळवी, प्रसिद्धी विभाग प्रमुख – निलेश जोशी, जिल्हा पालक सौ. अनुजा गांधी, जिल्हा सह पालक सुदेश वाडकर, युवती वरिष्ठा -कु. प्रियांका बांदकर, युवती श्रेषठा- कु.रुचिता शिर्के, युवती कनिष्ठा- कु. चांदणी कांबळी. तसेच तालुका उपाध्यक्षांची देखील निवड करण्यात आली. कणकवली – योगेश पाटणकर, कुडाळ – भूषण बाक्रे, मालवण – सौ. श्वेता चव्हाण, वैभववाडी – सुदीन तांबे, सावंतवाडी – पूजा पारधी, देवगड – समृद्धी प्रदीप तावडे, वेंगुर्ला आणि शिरोडा, दोडामार्ग – रिक्त. नृत्य परिषद महाराष्ट्र या संस्थेने सिंधुदुर्ग मधील सर्व नृत्य कलाकार बंधु आणि भगिनींना नव संजीवनी देण्याचे काम पार पाडले आहे. असे मत सिंधुदुर्ग जिल्हा अध्यक्ष राहुल कदम यांनी व्यक्त करुन नृत्य परिषद महाराष्ट्रचे आभार मानले. उर्वरित पदाधिकारी तालुका निवड लवकरच करण्यात येईल व नृत्य परिषदे मार्फत सर्व नृत्य कलावंतांच्या अडचणी शासन दरबारी मांडून नृत्य कलावंतांना न्याय मिळून देण्याचे काम नृत्य परिषद करील. असे उपस्थित नृत्य परिषद महाराष्ट्रच्या पदाधिकाऱ्यांनी सांगतिले.

प्रतिक्रिया व्यक्त करा

ten − 1 =