बिजलीनगर चिंचवड –

दिनांक २४ सप्टेंबर रोजी सुरत येथे भव्य कार्यक्रमात
श्री अखिल भारतीय श्वेतांबर स्थानकवासी जैन परिषद, नवी दिल्ली. ध्यानयोगी आचार्य डॉक्टर परम पूज्य भगवान शिवाचार्य म.सा.नेश्रयामध्ये यांच्या ८५ व्या जयंतीनिमित्त, प्राध्यापक सुरेखा प्रकाशजी कटारिया यांना विशेष राष्ट्रीय सेवा पुरस्काराने सन्मानित करण्यात आले.

याप्रसंगी, संस्थेचे राष्ट्रीय अध्यक्ष अतुलजी जैन, राष्ट्रीय सरचिटणीस डॉ. अमितजी रॉय, माननीय कांतिकुमारजी जैन (अल्पसंख्याक राष्ट्रीय अध्यक्ष), माननीय रमेशजी भंडारी – ट्रस्टेड जैन परिषद, नवी दिल्ली, राष्ट्रीय महिला अध्यक्ष संतोषजी जैन, राष्ट्रीय महिला चेअरमन अनामिकाजी तलेसारा, राष्ट्रीय महिला सरचिटणीस रिचाजी जैन, प्रत्येक प्रांत जैन भवनचे राष्ट्रीय अध्यक्ष डॉ. अशोकजी पगारिया, माजी राष्ट्रीय अध्यक्ष पारसजी मोदी, माजी प्राचार्य प्रकाशजी कटारिया, माननीय राष्ट्रीय महिला अध्यक्ष रुचिराजी सुराणा कीर्तनकार डॉक्टर श्वेता राठोड सुभाषजी सुरांना यांच्या उपस्थितीत आणि आचार्य भगवंत शिवाचार्य यांच्या आशीर्वादाने, राष्ट्रीय पदाधिकाऱ्यांच्या उपस्थितीत प्रा. सुरेखा प्रकाशजी कटारिया यांना ‘अति विशिष्ट सेवा सन्मान’ देऊन गौरविण्यात आले. प्राध्यापिका सुरेखा कटारिया या एक ज्येष्ठ साहित्यिक असून त्यांनी आतापर्यंत दहा पुस्तके लिहिली आहेत.

राष्ट्रीय संत आचार्य आनंदऋषीजी महाराज साहेब यांच्या जीवनावर लिहिलेल्या ‘आनंद यात्री’ या पुस्तकाला साहित्य रत्न पुरस्काराने सन्मानित करण्यात आले आहे. त्याचप्रमाणे, ‘आईने घडवलेला, श्याम कुठे, कुठे हरवला श्याम, व्हय मी सावित्री बोलते…!’ या विषयावर संपूर्ण महाराष्ट्रात त्यांच्या कथाकथनाचे वैयक्तिक कार्यक्रम आयोजित करण्यात आले आहेत. त्याचप्रमाणे, गुरु भगवानांच्या त्यागमय जीवनावर माहितीपट बनवून, त्यांचे त्यागमय जीवन आपल्या तरुण पिढीसमोर, मुलांसमोर मांडण्याचे त्यांचे प्रयत्न अत्यंत प्रशंसनीय आहेत. त्यांच्या सेवाभावी कार्याची दखल घेऊन, आचार्य ध्यानयोगी शिवाचार्य यांच्या जन्मोत्सवानिमित्त त्यांचा सुरत येथे सन्मान करण्यात आला.

प्रा .सुरेखा कटारिया विविध संस्थांमध्ये पदाधिकारी म्हणून कार्यरत आहेत.ऑल इंडिया कटारिया फाउंडेशन, राष्ट्रीय महिला उपाध्यक्ष, श्री ऑल इंडिया जैन कॉन्फरन्स, राष्ट्रीय महिला उपाध्यक्ष, स्वानंद महिला संस्थापक अध्यक्ष पिंपरी चिंचवड, भारतीय जैन संघटना विद्यालय आणि महाविद्यालयाच्या माजी उपप्राचार्य, सावित्रीबाई फुले पुणे विद्यापीठाद्वारे बहुवर्षीय व्याख्याता सेवेसाठी नियुक्त व्याख्याता, श्री आनंद मंगल एज्युकेशन ट्रस्ट, चिंचवडच्या महासचिव आहेत.

संपूर्ण पिंपरी चिंचवड मधील साहित्यिक आणि संस्थांनी त्यांचे फोनद्वारे, भेटून अभिनंदन केले आहे. सदर वृत्ताचा आढावा वरीष्ठ पत्रकार बाबू डिसोजा आणि व्हिडिओ जर्नालिस्ट माधुरी डिसोजा यांनी घेतला.